"Math Exhibit" - Nakakapagod -_- Pero Masaya :D

Mahal kong talaarawan,

        Maaga kaming gumising ngayon dahil Lunes nanaman at mayroong "Flag Ceremony". Pagpasok namin ay pumunta kami ni Jason kay Bb. Daggao para hingiin ang liham sa pagliban ng klase dahil kasama kami sa mga magbabantay sa "Math Exhibit" at pinapirmahan na namin ito. Inayos lang namin ng konti yung silid-aralan at nagsimula na rin ang eksibit. Nagbantay kami sa loob at inaayos na rin namin yung mga gamit kapag may nagugulo. Tumutulong din kami sa pag-ayos ng oras ng paglabas at pagpasok ng mga mag-aaral. At syempre, hindi rin mawawala ang oras ng pagmimiryenda. Saglit lang kami kumain at bumalik na ulit. Medyo inaantok na ko kasi medyo mainit at pagod na rin. Pagdating ng alas-dose ay nananghalian na kami.
        Pumunta muna ko kay Gng. Manlagñit para magbayad sa JS Prom pero hindi ako pinabayad kasi hindi ko pala nadala yung liham na pumapayag sila mama na sumali ako. Tumulong na ulit ako sa eksibit. Nagmiryenda ulit kami at nagsimula na ulit. Madilim na nang kami ay matapos. Niligpit na namin yung mga ginamit namin at nilipat ang iba sa entablado ng paaralan. Sobrang napagod at inantok ako. Umuwi na kaming lahat kasabay si G. Raro at natulog na pag-uwi.

Hindi Ko Pala Nasuot Yung Polo Ko xD

Mahal kong talaarawan,

        Hindi na kami ganoon kaaga gumising kasi nga naayos na namin kagabi yung loob ng simbahan. Kumain lang kami at nagsundo na ng mga bata sa aming lugar. Kinuha ko na rin yung polo sa bahay namin na susuotin ko mamaya. Pagbalik ng simbahan ay nagsimula na ang "Children's Church". Pagkatapos ay nagsimula na rin ang "Regular Sunday Service" namin. Hindi ko napansin na hindi ko pala nasuot yung polo ko sa dami ng ginawa ko. Naka T-shirt lang tuloy akong tumugtog.
        Kumain kami pagkatapos at matutulog na sana ako nang nagpatawag ng espesyal na sesyon. Tinalakay namin ang tungkol sa tamang pagpapalaki ng mga anak. Doon kasi nagsisimulang mahubog ang magiging ugali ng bata paglaki. Nagpraktis lang yung mga tutugtog at nagsimula na rin ang "nxtGEN service" namin. Pagkatapos ay naghapunan na kami, nagligpit, at umuwi na rin. Nagbasa basa lang ako ng kung anu-ano at natulog na.

Naghanda Para sa "Math Exhibit" :)

Mahal kong talaarawan,

        Alas-sais pa lang ng umaga ay ginigising na ko ni mama kasi maglalaba raw kami. Inaantok pa ako kaya natulog ulit ako. Mga bandang alas-otso, si ate naman ang gumising sakin at naglaba na nga kami. 10:00 na kami natapos at pumunta na ko ng skul kasabay si Jason para mag-ayos ng silid-aralan at ng mga kagamitan na gagamitin sa "Math Exhibit" sa darating na lunes.
        Pagkatapos namin mag-ayos, dumiretso na ko sa simbahan. Kumain muna ko ng tanghalian at hinugasan ko lang yung pinagkainan ko at natulog na ako. Pagkagising ko ay nagpraktis na kami nila ate ng mga tutogtugin namin para sa Linggo. Kumain na agad kami ng hapunan at dahil aalis pa yung pastor namin, alas-singko pa lang ay nagsimula na kami sa aming sesyon. Matapos ito ay inayos na agad namin yung loob ng simbahan namin para kinabukasan ay hindi na kami gaanong maaga gigising para mag-ayos. May iniwang pinatype lang sa akin at gumawa lang ng dokumentasyon kaya hindi pa agad ako natulog.

Araw ng Laban sa Matematika

Mahal kong talaarawan,

        Pumunta ako ng maaga sa skul dahil nananabik ako sa laban namin ngayong araw. Naghintay muna kami hanggang 6:30 ng maghahatid samin na sasakyan at umalis na kami. Nagkaroon muna ng mga seremonya at pinakain na kami para bago lumaban ay may laman ang tiyan. Pagkatapos noon ay nagsimula na ang laban. Binigyan kami ng 2 oras para sagutan ang 50 tanong. Ang hirap talaga. Nagamit ko talaga yung 2 oras para magsagot at may mga tanong pa kong hindi nasagutan dahil hindi ko maisip kung anong gagawin. Natatawa ako nung 5 minuto na lang ay may dalawa akong nasagutan. Bigla kong napagtanto kung anong gagawin at alam kong iyo talga ang dapat gawin dun. Pagkatapos naming magsagot ay lumabas na kami ng silid-aralan at nakahinga na rin ng maluwag

        Nananghalian na kami. Pagkatapos ay hindi pa kami nakauwi kasi sabi ni G. Raro na hintayin namin siya. Isa kasi siya sa mga magtatama ng mga papel. Habang nag-aantay, nagtanong si Gng. Rhoda tungkol sa amin. Katulad ng kahulugan ng pangalan namin at buhay pag-ibig. Syempre sa pangalawang paksa, wala akong nasabi xD. Mga bandang 3 ng hapon, pinauna na kami ni G. Raro kasi baka matagalan pa raw siya. Pero natuwa kami bago umalis kasi sigurado na raw na nakapasok kaming lahat. Dumaan muna akong skul at naabutang gumagawa ang mga kasama ko sa "Science Club" ng "bulletin board" kaya tumulong na rin ako.

        Umuwi na ako ng bahay at natulog. 7 na ng gabi ako nagising at nagcomputer. Pagkatapos ay nagbasa ng "Voiceless" natulog na.

Pagligo - Isang malaking pagsubok xD

Mahal kong talaarawan,

        Naging isang malaking pagsubok sa akin ngayong araw ang PAGLIGO. Bigla kasing lumamig yung tubig ngayong umaga. Parang galing sa ref. At kahit napagtagumpayan ko ito ay nanginginig pa rin akong pumunta ng skul.
        Pagkarating ko ng skul, hindi na ko pumasok sa silid-aralan namin at dumiretso na kami ng mga kasama ko sa "Comlab" ngunit sarado pa ito. Nagbigay na lang ang bawat isa ng mga palaisipan at natatawa talga kami kapag nalalaman na namin ang sagot. Ganun lang kami hanggang mabuksan ang "Comlab" ng 8 ng umaga. Si G. Raro na ang nagturo na sa amin ngayon. Nagmiryenda kami at tinuruan na ulit kami nina G. Raro at Gng. Santos. Pagkatapos ay nananghalian na kami.
        Ala-una na kami bumalik at tinuruang ulit kami ni G. Raro. Maya-maya ay umalis na si G. Raro dahil magtuturo pa siya at kaming mga nasa ikatlo at ika-apat na taon ang pinagturo niya sa mga nasa ika-pitong at ika-walong pangkat. 4:30 na kami nakauwe.
        Pagkauwi ko sa bahay ay humiga ako para matulog dahil inaantok talaga ko sa pagod. Kalahating gising at kalahating tulog na ako ng biglang inuyog ako ni ate. Wag daw akong matulog kasi maglalaba [a kami. Naglaba nga kami at kumain na. Pagkatapos kumaen ay pinanuod namin ang "Smurfs 2" ngunit hindi ko na ito tinapos dahil pagod na talaga ako at kailangan ko nang matulog dahil may laban pa kami bukas. Bago matulog ay kumain ulit ako.

Iniwan Tuloy Kami :|

Mahal kong talaarawan,

        Hindi ulit ako nagdala ng bag sa araw na ito dahil alam kong liliban ulit kami sa klase. Pumasok muna kami sa unang asignatura, Chemistry, ng 30 minuto. Dumating na yung mga nasa ika-apat na taon at lumbas na rin kami at pumunta sa "Comlab" para mag-aral ng Matematika. Kanya-kanya muna kami ng pag-aaral at kapag napapagod na ay nagpapahinga muna at nagpapatugtog lang sa aking selpon. Dumating si Gng. Santos at siya ang nagturo sa amin. Pagkatapos ay nagmiryenda kami. Pagbalik namin ay si Gng. Daggao naman ang nagturo sa amin at nananghalian na kami.
        Pagkatapos kumain ay bumalik na kami sa skul dahil may pagpupulong pa ang mga opisyal ng "Math Club". Medyo matagal natapos yung pagpupulong kaya nung pumunta kami sa "Comlab" ay wala na si Gng. Santos. Akala siguro ay iniwan na namin. Nag-aral lang kami ng kanya-kanya saglit at nagsiuwian na. Ianantay ko muna si ate bago umuwi. Pagkauwi ko ng bahay, kumain ako at nanuod ng "Hunger Games" at natulog na.

Lumiban Para Mag-aral ng Matematika

Mahal kong talaarawan,

        Hindi ako nagdala ng gamit pagpasok ko dahil alam kong ililiban kami sa klase upang mag-aral ng Matematika dahil malapit na ang aming laban. Pumasok muna kami ng Chemistry, ang aming unang asignatura, dahil wala pa yung "Excuse Letter". Pagkatapos ng Chemistry ay pinuntahan na kami ng mga kasama namin sa ikaapat na taon at lumabas na kami ng silid-aralan. Sa "Computer Lab" kami pumunta at nag-aral muna kami ng kanya-kanya. Maya-maya ay nagmiryenda muna kami.
         Pagkatapos magmiryenda, bumalik na kami sa "Computer Lab" at nag-aral na ulit kami. Tinawag ako ni Gng. Ramoya kasi pinagawa niya sa akin yung iiimprinta sa tarapal tungkol sa pagkuha ng mga papeles sa skul. Nag-aral na rin naman ako pagkatapos at nananghalian na.
        Ala-una na ng hapon kami bumalik at tinuruan na kami ni G. Raro. Alas-tres kami pinauwi. Pagdating ko sa bahay ay natulog ako. Pagkagisig ay kumain at nagcomputer ako. Dinownload ko yung mga album ng "The Script" at natulog na rin agad.

Tanong, Isang Sagot, Baba.. Yeah !

Mahal kong talaarawan,

        Maagang nagsimula ang pagtataas ng watawat ngayong araw. Itinama namin ang aming mga markahang pagsusulit at nagulat ako ng naperpek ko ang pagsusulit sa Chemistry. Hindi ko inaasahan yon. Pagkatapos ng klase, hindi kami nag-aral ng Matematika. Nakita ko si ate at hiniram niya ang aking selpon. Umuwi na ako at natulog.
        Tatlong minuto pa lang akong tulog nang biglang ginising ako ni mama. May tumatawag daw sa selpon ko. Nagtaka ako kasi alam kong nakay ate ang aking selpon. Yun pala nakauwi na agad si ate. Sinagot ko na yung tawag. Numero lang ang nakalagay kaya tinanong ko kung sino siya. Si Romero pala. Tinanong niya ko kung nasa skul pa ko at sinabi ko naman na hindi. Bigla na lang binaba nang hindi man lang sinasabi ang rason kung bakit niya tinanong yun. Nainis naman ako kasi ginising ako para run. Di na tuloy ako makatulog at nagbasa na lang ako ng "Voiceless".

Ang Saya Nila Kasama :)

Mahal kong talaarawan,

        Pagkagising ko, naligo na kaagad ako bago magumagahan. Sinundo namin ang mga bata sa amin at sinimulan ang "Children's Church". Dahil nagkaroon ng pagbabago sa oras ng pagsisimula ng "Regular Service" mula 10:00 ng umaga na naging 10:30, nagdownload muna ako ng mga kantang papatugtogin mula 10-10:30. Nagsimula na rin ang "Regular Service". Pagkatapos noon ay nananghalian kami.

        Umakyat na ko sa taas para matulog. Sumunod naman si Gibson at Nemuel sa taas at nanuod sila sa selpon ni Gibson. Eh dahil gusto ko rin manuod, hindi na tuloy ako natulog kahit sobrang antok na ko. Ang pinanood namin ay "Apocalypto" at "Ong-Bak". Napanuod ko na talaga yan dati pa pero gusto ko ulit panoorin. Tapos na kaming manood at nakahiga na lang ako habang nagseselpon.

        Tinext ako ni Erin na nasa tapat na raw sila ng simbahan namin. Nagsabi kasi siya sakin na dadalo raw sila sa "Youth Service" namin kasama niya yung mga kabataan ng simbahan ng church nila. Tinanaw ko naman sila mula sa taas at nagulat ako sa dami nila. Akala ko mga 10 lang silang pupunta. 22 silang lahat at kasama rin nila yung "Youth Leader" nila. Nagsimula na rin ang "nxtGEN Service" (tawag sa "Youth Service" namin) namin. Nagpakilala muna ang isa't isa, tumugtog yung "Praise & Worship Team" (PWT), at nangaral na si pastor. Pagkatapos nun ay nakipagjamming kami sa kanila. Grabe ganadong ganado silang lahat. Una tumugtog muna yung "PWT" ng nxtGEN namin. Hindi na kasi kami yung tumutugtog sa nxtGEN at yung bagong grupo na. Parang praktis na rin nila yun bago sila mapunta sa "PWT" ng "Regular Service". Matapos naman nilang makatugtog ng maraming kanta, sabi ng mga kabataan nila Erin na gusto raw nila na tumugtog din yung orihinal na "PWT" kaya tumugtog naman kami. 5 kami nila ate, Nemuel, kuya Tim, kuya Jun, at ako ang nasa "PWT" ng "Regular Service" pero dalawa lang kami ni Nemuel ang tumugtog, siya naggitara at kumanta at ako ang nagdrums, kasi si ate at kuya Tim ay naghahanda ng makakain naming lahat at si kuya Jun naman, hindi siya kabataan kaya wala siya ngayong hapon. Isa lang ang tinugtog namin. Ang "I am a Friend of God". Pagkatapos naman namin ay tumugtog din ang "PWT" nila Erin. Kumain na kami. Pagkatapos ay nakipagchikahan pa sila samin. Ang kukulet at angtataas talaga ng enerhiya nila lalong-lalo na yung "Youth Leader" nila, si ate Je (Je ba yun?). Umuwi na sila at niligpit na namin ang lahat at umuwi na rin kami.

Nagbago Agad Isip Ko Eh

Mahal kong talaarawan,

        9:30 na ng umaga ako nagising. Kumain muna ako ng pandesal at palabok. Niyaya ako ni papa na magbisekleta papuntang Antipolo pero parang hindi ko gustong magbisekleta ngayon kaya hindi muna ako sumama. Pagkalipas ng tatlong minuto, parang nainggit ako kay papa at nagbago ang isip ko kaya sabi ko kay mama na magbibiseklata na nga lang din ako. Paakyat na ko ng kalsada ng madaanan ko si papa kasi may kinausap siya sa daan na kakilala niya kaya hindi pa siya tuluyang nakakaalis. Sumabay na rin ako sa kanya ng pag-alis pero hanggang Valley Golf lang ako kasi hindi ako nagpaalam kay mama na lalabas ako sa lugar namin. Pagbaba ko galing Valley Golf ay dumiretso ako ng Masinag. Hindi naman kasi gaanong malayo yon kaya dumiretso na ko run kasi medyo matagal na rin naman akong hindi nakakapag-ehersisyo. Pag-uwi ko sa bahay, nagpahinga muna ako ng konti at nangapitbahay na. Maya-maya ay tinawag ako ni mama para patulungin sa bahay. Pinakuha niya ako ng malunggay sa puno ng malunggay (malamang) namin, pinalamas ng puso, at naggata ng niyog. Tumulong na rin ako sa pagluluto. Pagkatapos ay natulog ako ng hindi pa kumakain.

        2:30 na ako nagising at saka pa lang kumain ng pananghalian. Naghanda kami ni ate at pumunta na ng aming simbahan. Pagkarating namin ay nagpraktis na kami ng mga tutogtugin namin bukas. Pagkatapos magpraktis ay naghanda na kami ng pagkakainan namin. Habang naghahanda ay dumating si ate Mai kasama ang mga kabataan sa simabahan nila at hindi nagtagal ay umalis din naman sila maliban kay ate Mai kasi nga siya yung nagseseminar sa amin. Kumain kami at sinimulan ang sesyon. Pagkatapos ay inayos na namin ang loob ng simbahan para hindi na kami gumising ng sobrang aga bukas para maghanda at natulog na ako.

Ikalawang Araw ng Pagsusulit - Sayang >.< ..

Mahal kong talaarawan,

        5:30 na kami nagising kaya hindi na ako nakapag-aral. Mas mahihirap pa naman ang pagsusulit ngayon. Pagdating ko sa skul ay nanghiram agad ako ng kwaderno ng kaklase ko para makapagbasa namin kahit konti kasi nga hindi ko dinadala gamit ko. Ayun nagsimula na rin ang pagsusulit.
        Natapos na ang tatlong pagsusulit (Chemistry, EP, at Math) at nagrecess na kami. Pagkatapos kong bumili ng pagkain ko, paakyat na sana ko nang biglang may babaeng lumapit sa akin at nagbigay ng sulat. Galing daw sa kapatid niya. Kala ko bill ng meralco xD. Natuwa naman ako nung binasa ko kasi todo "effort" talaga siya sa paggawa at pagsulat nung liham. Nakakapagbigay pala ko ng inspirasyon sa iba? Huwat!?? Tahahahaha ^_^. Nagsimula na rin kami sa pagsusulit sa AP. Grabe ang hirap niya T.T Nagamit ko tuloy yung namana kong talento kay Madam Auring xD
        Uwian na. Pumunta ako kay Gng. Santos kasi mag-aaral kami ngayon sa Matematika at para malaman ko rin ang iskor ko sa pagsusulit kasi tsinetsekan na niya agad papel ko pagkatapos ng pagsusulit. Nalungkot lang ako pagdating ko doon. Nagkamali raw ako ng isa!!!! Sa madali pa ako nagkamali. Ahuhuhuhu t.t. Pinangako ko pa naman sa sarili ko na peperpekin ko lahat ng pagsusulit sa Math ngayong ikatlong taon ko pero di na matutuloy yon. Pero ayos na rin. Masaya na rin ako run :) Nag-aral na rin kami ng Matematika.
        Pagkauwi ko sa bahay ay kumain muna. Pagkatapos ay nanuod kami ng 3 A.M. "Thai horror/comedy movie" siya. Nakakatawa nga eh. Galing talaga gumawa ng Thailand ng "horror" na "comedy" na palabas. Parang Pee Mak ^_^. Nanuod din kami ng "Forbidden Kingdom". Maganda rin. Pagkatapos ay natulog ako.
        Alas-siyete na ako nagising. Kumain muna ako at nanuod naman kami ng "Blood: The Last Vampire". Napanuod ko na pala to dati -.- Kaya pala medyo pamilyar. Pagkatapos ay gumawa lang ng talaarawan sa blog ko.

Unang Araw ng Ikatlong Markahan

Mahal kong talaarawan,

        Pagkagising ko ay kumain na ko ng mabilisan. Habang naliligo si ate ay nagbasa muna ako ng saglit. Madaanan ko man lang ng tingin yung mga sinulat ko ayos na. Pagpasok namin, di ko na dinala bag ko kasi pag-susulit naman at dagdag bigat lang kaya binulsa ko na lang ang aking ballpen. Pagdating ko sa silid-aralan namin ay nakaayos na ang mga upuan at parang akin na lang yung bakante. Maya-maya ay nagsimula na ang aming pagsusulit. MAPEH, English, T.L.E, at Filipino ang aming pagsusulit ngayon. Medyo mahirap din. Nakakalito yung mga tanong pati sagot. Parang lahat ng pagpipilian tama. Pero nalagpasan pa rin ang unang araw ng pagsusulit.
        Maaga kaming umuwi ngayon at hindi na ko nagtagal sa skul. Pag-uwi ko ay walang tao sa bahay. Kumain lang ako at natulog na. Nagulat ako ng biglang parang nababasa yung kamay ko. Yun pala dinidilaan na yun ng pusa namin kaya nagising ako. At pagkagising ko ay wala pa rin sila. las-singko na nun. Pero parang may pumasok sa bahay namin kasi hindi ko naman nilak yung pinto sakaling dumating sila, mabubuksan nila yung pinto kahit tulog ako. Yun pala si papa nakarating na sa bahay nung mga alas-tres pa. Nasa labas lang siya. Kumain na rin agad ako ng hapunan para tuloy-tuloy na ko sa gagawin ko mamaya.
        Pagkatapos kong kumain ay nagsimula na kong gumawa ng mga buod ng akda at palabas. Una kong binasa ay ang "Uhaw ang Tigang na Lupa" ni Liwayway A. Arceo pero hindi ko maintindihan. Wala pa ko sa hulog at ayoko pang mag-isip kaya pinalitan ko na lang yung ibubuod ko. Ang mga akdang binuod ko ay ang "Paglalayag sa Puso ng Bata" ni Genoveva Edroza-Matute at "Impeng Negro" ni Rogelio Sikat. Sa palabas naman ay "Psychic/Haunters". Alas-DOSE na ko natapos kasi naman sila papa nanuod-nuod pa ng "High Lane" at "The Hobbit". Ang hirap kayang magpokus sa ginagawa habang ang iba'y natutuwa sa panunuod nila kaya nakinuod din ako.

Pagod na ko. Bukas na lang -.-

Mahal kong talaarawan,

        Sa lahat ng klase namin ay halos nagbalik-aral lang kasi mag "peperiodical test" na kami bukas. Pagkatapos ng klase pumunta lang ng YEJ. Tumingin tingin lang kami pero naakit na rin sa paglalaro. Kaya nag-LOL kami nila Jason at iba ko pang mga kaklase.. Pagkatapos magcomputer ay dumaan lang sa skul saglit at dumiretso na sa simbahan.
        Pagdating ko sa simbahan ay kumain muna ako. Pagkatapos ay naginternet lang ako sa cellphone ko kasi may Wi-Fi naman sa simbahan at nagbasa lang ng artikulo tungkol sa bagay na gusto kong linawin. Siyempre sikreto na yun ;P. Nung mabas ko na ay natulog na ako.
        Pagsapit ng alas-sais ng gabi ay may umakyat na sa taas para gisingin ako. Gabi na raw kasi kaya ginising niya ako. Sabi ko sa sarili ko, "Ano naman kung gabi na?" Inaantok pa kasi ako nun kaya ganun ang nasabi ko sa sarili ko. Pagbaba ko ay nagluluto na sila ng pagkain para sa hapunan at pinagtype ako ni pastor. Kumain na rin kami at pinagpatuloy ko na ang pagtatype. Pagdating ng als-siyete ay nagsimula na ang aming "Bible Study". Nabanggit din ni ni pastor ang "globalization" ng mga bansang Asyano sa 2015. Pagkatapos ng "Bible Study", hindi kaagad kami umuwi dahil may hinantay pa. Habang nag-aantay ay tinapos ko na yung pinapatype sakin. Ang haba kasi eh. Nung dumating na yung hinahantay namin ay umuwi na kami. Plano ko talagang mag-aral pag-uwi pero pagdating ko sa bahay ay napabagsak na sa higaan. Bukas ng umaga na lang ako mag-aaral.

Sa Cellphone na Lang Ako Magbabasa

Mahal kong talaarawan,

        Maaga kaming gumising para pumasok. Pagdating ng oras ng Edukasyon sa Pagpapakatao (EP), naatasan kaming mangolekta ng tulong barya kaya lumiban muna kami sa klase at bumalik na sa oras ng Filipino, Pagkatapos ng klase hindi na rin kami nag-aral sa Matematika kasi wala si Gng. Santos. Pumunta muna kami ng YEJ kasi wala pa namang ginagawa sa skul.
        Ala-una na kami bumalik ng skul. Gumawa kami ng "bulletin board" ng SSG kasi hinahanap na raw ni Sir Beltran kaya naman nagtulong-tulong kami sa paggawa hanggang alas-kwatro. Alas-singko na ko nakarating ng bahay.
        Pinaayos ko kay papa yung patilya ko kasi may uka para mapantay kahit papano. Kumain na rin ako. Pagkatapos kumain ay nagcomputer lang at nag-edit lang ng konti. Kumopya na rin ako ng mga akda sa internet para sa proyekto namin sa Filipino na pagsulat at nilagay ko sa notepad sa cellphone ko para sa cellphone na lang ako magbabasa. Parang ebook lang :). Pagkatapos ay natulog na rin ako.

Samson ng Makabagong Panahon xD ... ???

Mahal kong talaarawan,

        Maaga kaming gumising sa araw na ito dahil mayroon kaming pagtataas ng bandila ngayon sa skul. Naghanda na kami ng ate ko sa pagpasok at hinatid na kami ni papa. Kumpiyansang kumpiyansa ako na hindi kami maleleyt sa araw na ito pero pagdating namin sa skul ay sarado na ang gate at nakapagsimula na. Parang ang aga yata nila magsimula. Alam kong nasa oras pa kami. Pinapasok na yung mga estidyanteng nasarahan ng gate (Kasama kami dun xD Bwahahahaha). Hindi raw pala kami leyt. Sadyang maaga lang talagang nagsimula kasi pinasimula na agad ni Sir Beltran, punong-guro namin, yung pagtataas ng bandila.
        Naging maayos naman ang daloy ng klase maliban na lang pagdating ng oras ng Filipino. Biglang dumating si Sir Cagnayo at inukaan ang mga mababait na estudyante na hindi nagpagupit. At siyempre, dahil mahal ko ang buhok ko at hindi ako nagpagupit ay kasma ako sa mga naukaan. Ayaw ko kasi talagang nagpapagupit. Nagmumukang ewan kasi ako kapag nagpapagupit eh. Hindi ko talaga alam kung anong koneksiyon ng buhok sa pag-aaral. Pero sabi nga, dapat sundin ang awtoridad. Hindi raw kaylangang magtanong basta sumunod na lang maliban na lang kung nilalabag na nito ang karapatang pantao at utos ng Diyos (Turo yan ni Pastor :D). At nung maukaan na ako, naginit talaga ako. Para akong lalagnatin. Kasi nga umaayaw katawan ko sa pagpapaguput. Kapag nagugupitan ako, nanghihina katawan ko (Samson lang? Samson and Delilah? Ahahahaha ^_^).
        Pagkatapos ng klase, pumunta kami sa silid-aralan ni Gng. Santos kasi raw mag-aaral kami dapat sa Matematika pero wala siya. Kaya ayun hindi na kami nag-aral. Pinatawag din ako ni Gng. Mixto kasi may papagawa raw siya. Yung "Name Plate at Runner" ng diyaryo. Umuwi na ako at kumain at nagpahinga muna. Pagkatapos ay ginawa ko na yung pinapagawa ni Gng. Mixto at pagkatapos ay gumawa na rin ng mga takdang-aralin. Gabi na ako natapos at natulog na.

Takdang Aralin Niya, Takdang Aralin ko (' -)

Mahal kong talaarawan,

        Maaga kaming gumising para maghanda ng para sa pagsisimba. Inayos namin ang loob ng simbahan at naghanda na rin ng umagahan namin at kumain na. Pagkatapos kumain ay nagsundo na kami ng mga bata sa lugar namin. Pagbalik namin ay nagsimula na ang "children's Church". Habang nagtuturo na yung mga guro sa mga bata, inayos ko lang yung powerpoint ng mga kanta na ipapakita habang nagpapaawit kami.
        Matapos ang "Children's Church" ay inayos na namin ang loob ng simbahan para sa regular na pagsisimba. Hindi rin nagtagal ay nagsimula na kami. Nagpaawit muna kami at nagturo na ang aming pastor. Ang kanyang itinuro ay tungkol sa "On The Road to Emmaus". Kung gusto niyong basahin (Basahin niyo nawa xD hihihi), makikita ito sa Lukas o Luke 24:13-35. Pagkatapos naman noon ay nagkainan na.
        Natulog muna ako. Noong mga bandang alas-dos na ay ginising nila ako kasi may sesyon daw. Tungkol sa paggawa ng "Lesson Plan" para sa Sunday School ng mga bata. Hindi naman ito gaanong nagtagal at sinimulan na rin ang "nxtGEN". Sama-sama rin kaming naghapunan at umuwi na.
        Pagkauwi ko ay pinagawa sa akin ni ate yung website niya. Kailangan na raw matapos nun ngayon kasi pasahan na bukas. Ako pa yung minamadali niya. Plano ko pa namang matulog ng maaga kasi may pasok na bukas. Ginawa ko naman na yung website niya. Pero dahil puyat na ko nito, sinagad ko na at tinapos ko na lang ang "Season 2" ng Diary ng Panget, ang Diary ni Eya.

May bago kaming ate :)

Mahal kong talaarawan,

        Gumising ako ng maaga para makapunta sa simbahan namin para dumalo sa "Morning Prayer and Devotion". Sabay-sabay kaming pumunta roon nila ate at iba ko pang kasamahan. NagMPD nga kame at pagkatapos naman noon ay gumawa kami ng mga sobre para sa ikapo at handog (Tithes & Offering). Pagkatapos gumawa ng mga sobre ay binisita namin ang mga batang pumupunta sa simbahan tuwing Linggo para kamustahin. Habang bumibisita kami ay napadaan kami kila Chuchay, kasama namin sa simbahan at may mga kapatid ding mga bata na pumupunta sa Children's Church. Nanuod muna kami ng "Jimmy Neutron" sa kanila saglit bago ipagpatuloy ang pagbisita.
        11:30 na nang kami ay matapos sa pagbisita at bumalik na sa simbahan para kumain. Pagkatapos naman naming kumain ay nagpatunaw lang ako saglit at natulog na hanggang alas-kwatro ng hapon. Pagkagising ko ay nagpraktis na kami para sa tutogtugin namin bukas. Kumain din kami pagkatapos para sa hapunan. Hinanda na namin ang loob ng simbahan para sa sesyon namin mamaya. Nang magsimula na ang sesyon tungkol sa "Microfinance and Holistic Ministry", pinakilala sa amin ni Ptr. Noi si ate Mai. Kaklase niya at siya ang nagturo sa amin. Tinalakay namin ang mga patakaran sa gagawin namin negosyo. Naging masaya ang talakayan namin pero hindi namin ito natapos dahil gabi na at sa susunod na Sabado na lang ulit namin itutuloy.

Kayo na magaling magyaya at mangonsensiya !?

Mahal kong talaarawan,

        Pagkagising ko ay nagumagahan na ako at naligo. Pagkatapos maligo ay ginawa ko na ang mga proyekto ko. Habang gumagawa ako, may napadaan sa bahay. Si Nemuel at ang pinsan niyang si Cediboy. Kaibigan ko itong si Cediboy at matagal rin kaming hindi nagkita kasi sa Fairview siya nakatira at pumunta lang siya dito kasi kaarawan ng tatay ni Nemuel, tito niya. Niyaya nila ako magcomputer. Laro raw kami ng Defense Of The Ancient (DOTA) (Marunong ba ko nun O_o ?). Dahil nga minsan lang siya magawi sa lugar namin, hindi na ko nakatanggi at iniwan ko muna mga ginagawa ko. Nakakahiya naman kasing tanggihan kaya naglaro na nga kami. Pagkalipas ng 5 buwan, nakapaglaro ulit ng DOTA. Inalis ko na talaga siya sa buhay ko. Ngayon na lang ulit xD. Pagkatapos magDOTA, umuwi na sila pero naglaro muna ko ng LOL. Sagarin ko na habang nasa labas pa ko. Umuwi ako sa bahay ng mga alas-dose para kumain at nagcomputer ulit.
        Pagkatapos magcomputer, umuwi na ko at kumain nanaman ng pansit. Tinuloy ko na rin ang mga proyekto ko at tinapos na ito para wala nang problema pagdating ng Sabado at Linggo. Pagkatapos namang gumawa ng proyekto ay nagihaw kami ng bangus para sa kaarawan ng tatay ni Nemuel. Pagdating ng tatay niya, sinalubong namin siya ng kantang "Happy Birthday to You" at nagkaroon ng maiksing programa bago magkainan.Pagkatapos nga ng programa ay nagkainan na. Andaming pagkain kaya nabusog naman ako.
        Maya-maya pa ay dumating na rin ang ibang bisita nila at kasama ang mga kabataang dati kong mga kasama sa simbahan. At ayun, nagyaya rin magDOTA! Grabe, nakakahiya talaga tanggihan. Kinokonsensiya ako anlayo pa raw ng pinanggalingan nila? Pagkatapos namang magcomputer ay nagPS2 kami. Pagalingan lang mag "Guitar Hero". Nang matapos na maglaro ay nilabas ko ang gitara namin at dun naman sa tapat ng kapit-bahay nagingay. Nang medyo naboboring at inaantok na kami, nagyaya ulit magDOTA!!!! Pinagbigyan ko naman kasi nga minsan lang naman. Alas-onse na ako nakauwi ng bahay.

Adik nga kaseeeee ='>>

Mahal kong talaarawan,

        9:30 na ako nagising ngayong araw. Pagkagising ko ay kung anu-anong kinain ko dahil ang daming pagkain. Bagong taon kasi kaya nagluto si mama kahapon pati na rin may mga nagbigay sa amin. Pagkatapos kong kumain ay nagihaw lang ako ng bangus. Inayos ko na rin ang gamit ko sa skul at kumain ng pananghalian.
        Pagkatapos kumain ay nanuod kami nila papa ng "Turbo". Antok na antok ako pagkatapos manuod kaya sinubukan kong matulog pero hindi ako makatulog kaya bumili na lang ako ng makakain. Pagkatapos magmiryenda ay nagcomputer kami ni Nemuel sa labas ng dalawang oras para mag LOL. Pagkatapos magcomputer ay nangapit-bahay muna dahil andun yung mga kasama ko sa simbahan na mga kabataan. napadaan lang. Naglaro kami ng mga kasama ko sa simbahan ng PS2. Nagenjoy naman ako kasi 2 taon na kong hindi nakakalaro nito. Pagkauwi naman nila ay nagcomputer ulit kami ni Nemuel ng 2 oras (LOL ulet xD). Buti na lang hindi na kami pinayagang magdagdag ng oras kasi raw kaming dalawa na lang naglalaro at kung hindi, baka alas-dose na ako makakauwi at baka hindi na ako pagbuksan ng bahay.

Puyat Puyat din ...

Mahal kong talaarawan,

(Karugton....)

        Pagkatapos ng pagsalubong sa bagong taon ay nagkainan kami (siyempre hindi mawawala yun xD). Matapos kumain ay naguwian na ang iba at ang mga naiwan sa simbahan ay nagsimula nang maglipit. Alas-dos na kami natapos pero hindi pa ako natulog. Nagbasa pa ako ng "Diary ng Panget" (DNP)  (:DDD Hihihihih). Alas-kwatro na ako natulog.
        Alas-diyes na ako ng umaga nagising. Wala kasing Morning Prayer and Devotion ngayon dahil nga pagod lahat kagabi. Tinulungan ko lang si ate sa paggugupit ng nileleyout niyang mga papel. Pagkatapos noon ay nanghalian na kami.
        Natulog ulit ako at alas-singko na ako nagising. Nag-antay lang konti at umuwi na rin kami. Madaling na kami nakarating sa bahay. Pagdating ko ay nagbasa lang ulit ng DNP at natapos ko na siya. Matapos magbasa ay natulog na ako.